Një ngjarje e rëndë është regjistruar në Tiranë.
Një 4-vjeçar ka ndërruar jetë në spitalin e Traumës, pas tre ditësh qëndrimi në gjendje të rënduar shëndetësore.
I mituri ishte dërguar fillimisht në spitalin e Pogradecit tre ditë më parë, pasi ishte dëmtuar aksidentalisht në kokë nga një gur i hedhur nga motra e tij e mitur, gjatë kohës që të dy po luanin në banesë.
Për shkak të rëndesës së gjendjes shëndetësore, fëmija është transportuar më pas drejt Spitalit të Traumës në Tiranë, ku ka marrë trajtim të specializuar mjekësor.
Pavarësisht përpjekjeve të bluzave të bardha, 4-vjeçari nuk ka mundur t’u mbijetojë plagëve.
Ndërkohë, që prej ditës së parë të paraqitjes së rastit në spitalin e Pogradecit, materialet janë referuar në Prokurori për veprime të mëtejshme procedurale.
