Një tjetër rast i organizimit të kundërligjshëm të lojërave të fatit është goditur në Berat, në kuadër të kontrolleve të vijueshme të policisë.
Sipas autoriteteve, gjatë operacionit të koduar “Prova”, u konstatua se në një lokal në lagjen “Barrikadë” zhvilloheshin lojëra fati përmes kompjuterëve dhe celularëve.
Në përfundim të veprimeve, u arrestua në flagrancë pronari i lokalit, shtetasi M. N., 51 vjeç, banues në Berat.
Gjatë kontrollit, policia sekuestroi 12 njësi kompjuterike, një telefon celular, një shumë parash të dyshuara si të përfituara nga kjo veprimtari, si dhe një elektroshok.
Materialet procedurale i janë referuar Prokurorisë së Beratit për vijimin e hetimeve.
/vizionplus.tv
