Kreu i grupit parlamentar të PS Taulant Balla ka shprehur edhe një herë qëndrimin e mazhorancës për ti shkuar deri në fund zbardhjes së vrasjes së 4 protestuesve në bulevard në datën 21 janar të 2011.
Nga Kuvendi, teksa iu drejtua Berishës, e akuzoi këtë të fundit se ishte urdhëruesi që të qëllohej mbi turmën.
“Unë do të kisha dhënë një përgjigje po kam respekt për kodin etik të kuvendit. Edhe kur na ke kërcëniuar publikisht se në atë dritare është një snajper që do e marr në ballë kushdo që do dalë para. Kur ke shkuar të deponosh ke thënë që nuk ke dhënë urdhër, por nuk e di se çfarë ka bërë Luli. Pa e zbardhur përgjegjësinë tënde për urdhrat e vrasjes së 4 shqiptarëve në 21 janar, kjo forcë politike nuk ka për tu tërhequr kurrë. Ajo ka të bëjë me një nga njgjarjet më të rënda në historinë e vendit. Në 1997 dhe urdhër avionëve të qëllojnë mbi popullin e jugut e në 2011 mbi popullin opozitar”, tha Balla./vizionplus.tv
