Të paktën 16 persona janë vrarë gjatë një jave trazirash në Iran.
Shifrat u bënë të ditura këtë të dielë nga grupet e të drejtave të njeriut, ndërsa protestat kundër inflacionit dhe krizës ekonomike kanë shkaktuar përleshje të dhunshme midis demonstruesve dhe forcave të sigurisë.
Vdekje dhe arrestime janë raportuar gjatë javës si nga mediat shtetërore ashtu edhe nga grupet e të drejtave të njeriut, megjithëse të dhënat kanë ndryshuar.
Protestat e qytetarëve janë më të mëdhatë në tre vitet e fundit në vend, duke tronditur republikën Islamike. Përleshjet më të ashpra janë raportuar në pjesët perëndimore të Iranit dhe në kryeqytetin Teheran.
Demonstratat filluan më 28 dhjetor kur tregtarët e bizneseve të vogla organizuan një grevë për shkak të shqetësimeve ekonomike e më pas atyre iu bashkuan studentë dhe grupe të tjera.
Lideri suprem Khamenei tha të shtunën se megjithëse autoritetet do të bisedonin me protestuesit, rebelët duhet të vendosen para drejtësisë.
Protestat e fundit në Iran kanë tërhequr vëmendje ndërkombëtare me presidentin Donald Trump, i cili paralajmëroi udhëheqësit e Republikës Islamike dhe i doli në mbrojtje qytetarëve.
/vizionplus.tv
