Avokati Altin Kaziaj, i ftuar në studion e Quo Vadis të moderatores Pranvera Borakaj në Vizion Plus, ka komentuar zgjedhjen e kreut të ri të SPAK, Klodian Braho.
Duke bërë batuta, Kaziaj tha se zgjedhja e kreut të ri të SPAK ishte pak a shumë si Albania’s Got Talent, duke iu referuar spektaklit të Vizion Plus.
Kaziaj tha se prokurori Braho është me eksperiencë të madhe dhe ka shumë dosje të suksesshme siç ka hetuar, ashtu siç edhe ka dosje që kanë lënë shenjë jo për mirë, siç është Dosja 184.
Për Kaziajn, këtë herë KLP kishte mundësinë që t’i besonte drejtimin e SPAK një prokuroreje shumë të fortë dhe me integritet, siç është zonja Doloreza Musabelli.
Pjesë nga biseda:
Borakaj: Si e pe këtë mbledhjen prej 6 orësh, çfarë të bëri më shumë përshtypje?
Kaziaj: Ishte pak si AGT, kështu që fituesi këtë herë nuk ishte nga Dibra, por nga Skrapari. I uroj suksese kryesuesit të SPAK.
Borakaj: Ne nuk e dimë fituesin e AGT.
Kaziaj: Braho është me profil shumë të lartë. Edhe në insert ju nuk latë mangët duke cilësuar dhe Dosjen 184, e cila është sjellë në Shqipëri edhe nga BILD, me prova të konsiderueshme e cila u zhbë. Zonja Musabelliu është një zonjë me integritet të lartë, do ishte e udhës që KLP të provonte një zonjë.
Borakaj: Më bëri përshtypje që nuk mori asnjë votë?
Kaziaj: Nuk është çështje prezantimi, sesa çështje statistikash. Zonja Musabelliu është përballur edhe me kërcënimet e grupeve kriminale. Ajo asnjëherë nuk është përfolur.
Borakaj: Plumbi i artë, fisi Çopja, Dosja “Buka”, ka disa dosje.
Kaziaj: Çështje shumë të rëndësishme.
