Një i moshuar ka qënë pozitiv me Covid për 305 ditë me radhë, pra afro një vit. Sipas ekspertëve, kjo është periudha më e gjatë e regjistruar deri më tani ku një person ka qënë i sëmurë me koronavirus. Pas rreth 10 muajsh, 42 shtupash pozitive dhe 7 shtrimeve në spital, Dave Smith, një instruktor tani në pension nga Bristol në Angli, ka mundur koronavirusin dhe ndjehet mirë. Një fund i papritur por i lumtur, siç e shpjegoi ai vetë për “Guardian” : “Unë pothuajse vdiqa. Gruaja ime filloi përgatitjet për varrimin pesë herë”.
Smith u prek nga Covid gjatë valës së pare pranverën e kaluar . Në prill të vitit 2020, ai u shtrua në spital me ethe dhe kollë. Pastaj konfirmimi i pozitivitetit përmes shtupës së parë. Sëmundja e goditi atë në një kohë kur sistemi i tij imunitar ishte kompromentuar për shkak të patologjive të mëparshme. Në fakt, në vitin 2019, ai iu nënshtrua kimioterapisë për të trajtuar një leuçemi. Ai kaloi disa herë moment shumë të vështira deri aty sa I la porosi gruas që të përgatiste funeralin mirëpo vendimtare për shërimin e tij ishte kurimi me koktejin e antitrupave të zhvilluar nga Regeneron. Dyzet e pesë ditë pasi filloi terapinë, ai u negativizua. Tanimë 72 vjecari është mirë ndonëse ai tha se mushkërite janë dëmtuar shumë dhe ai do të vuajë disa pasoja./Tgcom
