Tashmë është zyrtare. Bundesliga do të rinisë në datën 16 maj. Lajmi u zyrtarizua nga Presidenti I Ligës Gjermane të futbollit, një ditë pasi kancelarja Merkel I kishte dhënë ok-in, përfaqësuesve të botës së futbollit që të rinisnin sezonin. Kristian Seifert pas mbledhjes online me 20 klubet e Bundesligës saktësoi edhe se mbyllja e kampionatit është projektuar për datat 27-28 qershor. Kjo nisje e shpejte erdhi si pasojë e dakortësise mes ligës gjermane te futbollit dhe autoriteteve shendetesore që të ketë një karantinë 7-ditore të klubeve dhe jo 14 saq është normalisht. Ai saktësoi se të gjitha ndeshjet do të luhen me dyer të mbyllura e me një numër të caktuar përsonash. Përvec lojtarëve , stafeve dhe gjyqtarëve do të ketë shumë pak organizatore të ndeshjeve, drejtues klubesh dhe forca sigurie. Kreu I ligës gjermane të futbollit shtoi gjithashtu se për të aplikuar formen e propozuar për 5 zëvëndësime në 90 minuta duhet pritur një vendim I Fifa-s. Seifert tha se po diskutohet edhe mundësia nëse ndeshjet e mbetura mund të transmetohen pa pagesë në television.
Ndeshjet e programuara në 16 maj
15:30 -Borussia Dortmund-Schalke 04
RB Lajpcig-Frejburg
Hofenhajm-Hertha Berlin
Fortuna Duseldorf-Paderborn
Augsburg-Ëolfsburg
18:30 – Ajantraht Frankfurt-Borussia Mënshengladbah
17 maj
15:30 – Këln-Mainz
18:00 – Union Berlin-Bajern Mynih
18 maj
20:30 – Werder Bremen-Bajer Leverkuse
