Policia është rikthyer në banesën e Xhemal Lokës pas arrestimit të tij me akuzën e shtyrjes së bashkëshortes drejt vetëvrasjes.
Gazetari i Vizion Plus Aleks Kalemasi bën me dije se efektivët po bëjnë kontrolle shtesë në banesë pasi më herët aty u gjet një armë si edhe një sasi fishekësh.
Lexo edhe :
Related Posts
Policia njoftoi më herët se e kishte arrestuar Xhemal Lokën pasi ka të dhëna se ai ka shtyrë bashkëshorten e tij Bedrie Loka drejt vetëvrasjes përmes kërcënimeve dhe presionit psikologjik.
Fillimisht policia nisi hetimet për vetëvrasje pas denigrimit në rrjetet sociale, por dëshmitë e familjarëve bën që ngjarja të përmbysej.
“Nga veprimet hetimore rezultoi se shtetasi Xh. L., 45 vjeç, kishte dhunuar psikologjikisht në mënyrë të vazhdueshme bashkëshorten e tij, shtetasen B. L.
Gjithashtu, nga hetimet e thelluara rezultoi se më datë 27.12.2023, shtetasi Xh. L. e ka kërcënuar bashkëshorten me mjet prerës (thikë), për të vrarë, në prezencë të njërit prej fëmijëve. Për këtë rast, shtetasja B. L. nuk ka bërë kallëzim në Polici.
Gjatë kontrollit të ushtruar në territorin e banesës së 45-vjeçarit, Policia gjeti dhe sekuestroi 1 armë zjarri automatik tip “Sharrs”, një krehër dhe një sasi municioni luftarak”, bëri me dije policia.
Vëllezërit e Bedrie Lokës e përshkruan kunatin si njeri të dhunshëm, ndërkohë që fëmijët kanë deklaruar para policëve se prindërit kishin sherre.
Policia gjeti me herët edhe dy celularë që Xhemal Loka i kishte fshehur, në të cilët janë zbuluar mesazhe kërcënuese ndaj bashkëshortes. /vizionplus.tv
