Vrasja e Selim Velsulës në Klos, policia zbardh ngjarjen: Autori 32-vjeçar fshihej në banesën e vëllait, sekuestrohet thika

Hazbi Velsula, 32 vjeç është autori i dyshuar i vrajses së Selim Velsusës, 65 vjeç. Ngjarja ndodhi një ditë më parë në fshatin Xibër-Murrizë.

Policia në një njoftim zyrtar bën me dije se Hazbi Velsula, 32 vjeç, pas krimit fshihej në banesën e vëllait në Allias, ku iu vunë prangat.

Lexo edhe :

Related Posts

Dyshohet se vrau kushëririn e tij në Klos, 32-vjeçari “kyç” gojën, Gjykata e lë në burg

Vritet me thikë 65-vjeçari në Klos, autori kushëri me viktimën, arrestohet në Tiranë pas krimit

Nga veprimet hetimore dyshohet se autori i dyshuar dhe viktima fillimisht janë konfliktuar fizikisht për motive të dobëta dhe më pas Hazbi Velsula e ka goditur me thikë 65-vjeçarin, duke i shkaktuar vdekjen.

Thika e cila dyshohet se është përdorur nga autori u sekeustrua.

Njoftimi i policisë

Zbardhet ngjarja e ndodhur mbrëmjen e djeshme, ku u gjet pa shenja jete, dyshohet i vrarë me armë të ftohtë (thikë), shtetasi S.V.

Vihet në pranga autori i vrasjes.

Autori u kap në mesnatë nga shërbimet e DVP Tiranë, në Allias.

Specialistët e Seksionit për Hetimin e Krimeve kundër Personit në DVP Dibër, në bashkëpunim me Komisariatin e Policisë Mat, menjëherë pas ngjarjes së ndodhur më datë 11.06.2025, në fshatin Xibër-Murrizë, ku pranë pronës së tij u gjet pa shenja jete dhe me dëmtime në trup të shkaktuara me mjet prerës, shtetasi S.V., 65 vjeç, banues në këtë fshat, kanë organizuar punën për nxjerrjen e autorit përpara përgjegjësisë penale dhe për sqarimin e rrethanave të rastit.

Si rezultat i veprimeve të shpejta dhe profesionale hetimore, u zbardh dinamika e ngjarjes. Nga veprimet e kryera, dyshohet se shtetasit H.V. dhe S.V. fillimisht janë konfliktuar fizikisht për motive të dobëta dhe më pas shtetasi H.V. e ka goditur me armë të ftohtë (thikë) shtetasin S.V., duke i shkaktuar vdekjen.

Po në vijim të veprimeve, falë një informacioni të marrë nga Drejtoria Vendore e Policisë Tiranë për vendndodhjen e autorit të dyshuar, shërbimet e DVP Tiranë kapën në lagjen Allias dhe vunë në pranga autorin e dyshuar të ngjarjes, shtetasin H.V., 32 vjeç, banues në Allias, i cili pas krimit ishte strehuar në banesën e vëllait.

Në cilësinë e provës materiale, u sekuestrua arma e ftohtë (thikë), që dyshohet se është përdorur nga autori.

Materialet procedurale iu referuan Prokurorisë së Dibrës, për veprime të mëtejshme, për veprat penale “Vrasja me paramendim” dhe “Prodhimi dhe mbajtja pa leje e armëve të ftohta”./vizionplus.tv