Hezbollahu konfirmoi sot se një “fytyrë e rezistencës” kundër Izraelit u vu në shënjestër në një sulm të synuar izraelit në fortesën e tij në periferitë jugore të Bejrutit, pa specifikuar identitetin ose gjendjen e tij shëndetësore.
“Një nga vëllezërit një fytyrë e rezistencës, u vu në shënjestër”, tha Mahmoud Komati, një zyrtar i lartë i Hezbollahut, nga zona ku ndodhi sulmi, duke shtuar se “rezultatet nuk dihen”. Ai akuzoi Izraelin, i cili konfirmoi se kishte sulmuar shefin ushtarak të Hamasit, për “shkelje të një vije tjetër të kuqe”.
Nga ana e tij, Presidenti libanez Joseph Aoun i bëri thirrje sot bashkësisë ndërkombëtare të “ndërhyjë me vendosmëri” për të ndaluar sulmet e Izraelit.
Në një njoftim për shtyp, kreu i shtetit libanez i bëri thirrje “bashkësisë ndërkombëtare të marrë përgjegjësitë e saj dhe të ndërhyjë seriozisht dhe me vendosmëri për t’i dhënë fund sulmeve kundër Libanit”.
