Për të kujtuar traditën dhe për të rikthyer vëmendjen tek Mokra, në zonën e njohur të juglindjes është sjellë për herë të parë Festa e Kulaçit dhe e Dollisë.
Kulinaria e veçantë është shpalosur bashkë me muzikën tradicionale te Mokrës.
Pjesëmarrësit nuk shijuan vetëm ushqimin me produkte bio por edhe këngët e vallet.
Ky aktivitet i bashkisë së Pogradecit solli shumë vizitorë edhe nga zona të tjera, të cilët u njohën edhe me pjesën historike të Mokrës.
“Mokra N’Festë”, pritet të kthehet në një traditë për zonën, e cila dy dekadat e fundit ka njohur një braktisje të madhe nga banorët si dhe probleme të shumta me infrastrukturën.