Turizmi global pritet të pësojë një rënie me 70% këtë vit, rënia më e madhe që nga viti 1950, sipas Organizatës Botërore të Turizmit.
Në një intervistë për mediat gjermane, shefi i agjencisë Zurab Pololikashvili tha se 110 milionë vende pune në të gjithë botën janë në rrezik.
Rënia bazohet në supozimin se të gjitha vendet do të rihapin kufijtë e tyre për vizitorët e huaj nga gushti.
Në të gjithë Evropën, që është tregu më i madh i turizmit në botë, shumë vende kanë filluar të lehtësojnë kufizimet e tyre kufitare.
Por në Amerikën e Jugut, një tjetër pikë e rëndësishme për pushime, infeksionet po vazhdojnë të rriten në vende si Brazili dhe është e pasigurt kur udhëtimet ndërkombëtare do të rifillojnë si normalisht.
“Ne do të shohim më shumë udhëtarë që qëndrojnë në vendin e tyre këtë verë”, tha Pololikashvili.
