Një tragjedi ajrore goditi SHBA-të, ku një avion u rrëzua në aeroportin e Karolinës së Veriut.
Ngjarja ndodhi sot në mëngjes, kur një aeroplan i vogël Cessna C550 u rrëzua gjatë uljes, duke vrarë disa persona, sipas mediave lokale.
Sipas ËBTV, aeroplani u rrëzua në Aeroportin Rajonal të Statesville rreth orës 10:15 të mëngjesit sipas kohës lokale. Përplasja shkaktoi një zjarr të madh dhe raportet fillestare tregojnë se në bord kishte gjashtë persona.
BREAKING: A small aircraft has crashed at #Statesville Regional Airport north of Charlotte, North Carolina. We are working to learn more. pic.twitter.com/60i0L1bqNv
— Kaitlin Wright (@wxkaitlin) December 18, 2025
Zyrtarisht, numri i saktë i personave në bord dhe numri i viktimave nuk janë sqaruar ende.
Imazhet e publikuara nga aeroporti tregojnë avionin të përfshirë nga flakët menjëherë pas rrëzimit. Autoritetet dhe ekipet e shpëtimit nxituan në vendngjarje, ndërsa ka nisur një hetim për shkaqet e rrëzimit. Aeroporti Rajonal i Statesville ndodhet në një distancë të shkurtër nga kryqëzimi i autostradave I-77 dhe I-40, rreth 10 minuta me makinë nga qendra e qytetit dhe 64 kilometra nga Charlotte.
