“Vende Pune të Shëndetëshme” ky do të jetë slogani i Inpektoratit të Punës i cili do të shtrihet përgjatë gjithë muajit maj në të gjithë territorin e Shqipërisë në sektorin e ndërtimit.
Në tryezën e përbashkët ku të pranishëm ishin kreu i Inpektoratit Shtetëror të Punës, Eljo Muçaj, zv/ministrja e Ekonomisë dhe Inovacionit Olta Manjani, kryeinspektori i Përgjithshëm Dashnor Sula si dhe kryetari i Shoqatës së ndërtuesve, Erjon Harizi, u diskutua mbi rritjen e ndërgjegjësimit të kujdesit dhe mbrojtjes në punë.
Në fjalën e tij Muçaj theksoi fushata do të shtrihet në sektorin e ndërtimit i cili është një nga sektorët më të rëndësishëm në ekonominë shqiptare.
Sipas tij kjo fushatë synon ndërgjegjësimin e punonjësve për më shumë standarde në vendin e punës.
“Në kuadër të integrimit në BE, Inspektorati i punës do të zhvillojë një fushatë kombëtare ndërgjegjësimi dhe inspektimi në sektorin e ndërtimit nën sloganin “Vende Pune të Shëndetshme”. Pse sektori i dnërtimit? Sepse është sektopri më i rëndësishëm i ekonomisë shqiptare. Po ashtu është sektor që paraqet risk të lartë sa i përket sigurisë dhe shëndetit në punë. Pavarësisht përpjekjeve të institucioneve dhe sektorit, kultura e zbatikmit të rregullave në punë mbetet ende e pamjafteueshme. Në këtë kontekst fushata që Inspektorati i Punës po lançon këtë vit është i targetuar mbi pajimet dhe pajistet individuale”, tha Muçaj.
Ndërkohë zv.ministrja Manjani theksoi se Shqipëria ka avancuar me ritme të shpejta drejt integrimit në BE, prandaj është e nevojshme që ajo çfarë është bërë tani mos mbetet vetëm në letër, por të kthehet në praktikë.
“Një ndër arsyet e këtij takimi lidhet me procesin e integrimti. Shpeshherë kur flasim për procesin e integrimit në BE i referohemi punës në letër, në fakt puna për integrimin në BE ka ecur me ritme të shpejta, tani duhet të fillojmë të mendojmë bashkëpunimin në sektorin privat, ku të ketë prioritet sigurinë dhe shëndetin në punë, kur të ndërgjegjësohen për detyrimet që do të kenë”, deklaroi Manjani.
Ndërsa kryeinspektori i përgjithshëm Sula vlerësoi se kjo fushatë ndërgjegjësimi vjen në një moment mjaftë të rëndësishëm për vendin.
Ai tha se edhe Shqipëria duhet të rrisë cilësinë e standardeve në fushën e sigurisë në punë për të arritur të njëjtat standarde me familjen europiane, aty ku synojmë të integrohemi sëshpejti.
“Kjo fushatë vjen në një moment kyç për sistemin e inspektimit në Shqipëri, në një kohë kur vendi ynë po përparon në procesin e afrimit me BE-në, po konsolidon standarde gjithnjë e më të larta në fushën e sigurisë dhe shëndetit në punë. Konteksti duhet të kalojë nga ndërgjegësimi të zbatimi i qendrueshëm. Fishata nuk është vetëm një aktivite informues shkon përtej ndërgjegjësimit, drejt një ndërgjegjësimi të qendrueshëm”, u shpreh Sula.
