Epidemiologu Dritan Ulqinaku deklaroi se vaksina duhet bërë nga të gjithë ata që rrezikojnë jetën e të tjerëve.

 

Gjatë një debati në studion e “Quo Vadis” në “Vizion Plus” për vaksinimim me detyrim, Ulqinaku u shpreh se mosvaksinimi përkthehet në një kosto më të lartë për shtetin.

 

“Në momentin që unë nuk riskoj të tjerët, nuk jam i detyruar të vaksinohem. Por në momentin që profesioni im ma detyron të jem në kontakt të afërt me të tjerë, duhet të merret një masë. Ata që e kanë kaluar, në momentin që e kanë kaluar, marrin një vërtetim dhe për gjashtë muaj nuk ka asnjë problem, për gjashtë muaj frekuenton çdo gjë, bën një jetë normale. Mosvaksinimi ka kosto për shtetin. Kush riskon të tjerët, duhet të vaksinohet. Për mua, kjo politikë duhet të vijë duke u thelluar. Aq më tepër që ka kaluar një vit nga aplikimi i vaksinës dhe nuk janë më ato teoritë e konspirative.”

Leave a Reply

Your email address will not be published.