Lufta e Rusisë në Ukrainë duket se po ndryshon balancat e rendit botëror të udhëhequr prej dekadash nga Shtetet e Bashkuara.
Thellimi i ndasive mes Lindjes dhe Perëndimit po bëhet më evident. Por shumë vende duket se po e gjejnë veten mes dy blloqeve ndër to edhe Turqia.
Që në krijimin e shtetit modern në 1923 Turqia ka synuar vetëm rrugën në perëndim, por tashmë gjerat duket sikur kanë marrë një tjetër kthesë. Një sondazh ka nxjerrë në pah qasjen e re të Ankarasë ndaj Rusisë.
Pothuajse dy të tretat e të anketuarve pohuan se Rusia ishte miqësore ndaj Turqisë, ndërsa më pak se një e katërta ose 24.2% besonin se Moska ishte armiqësore.
Sipas sondazhit 72.8% e turqve thanë se të dy kombet duhet të kenë një marrëdhënie të mirë, ndërsa 62.6% thanë se Rusia po jepte një kontribut pozitiv në ekonominë turke.
E kundërta rezulton për Shtetet e Bashkuara, marrëdhëniet me të cilën morën një kthesë të madhe pas grushtit të dështuar të shtetit më 2016.
Raportet mes dy vendeve janë ftohur më tepër gjatë viteve të fundit. Fillimisht sanksionimi i SHBA për Turqinë pasi kjo e fundit bleu sistemin rraketor rus S-400 dhe përjashtimi nga blerja e avionit modern F-35, nuk janë pritur mirë nga publiku turk.
Përçarja u theksua vitin e kaluar nga refuzimi i Ankarasë për të vendosur sanksione kundër Rusisë për konfliktin në Ukrainë, me qeverinë turke që zgjodhi të luante rolin e ndërmjetësit. Gjithashtu stërvitjet ushtarake në Egje, mes Greqisë dhe Shteteve të Bashkuara, shihen me mosbesim në anën tjetër.
Megjithatë, turqit mbeten mbështetës të NATO-s. sipas të njëjtit sondazh, pothuajse 60% favorizojnë vazhdimin e qëndrimit në aleancën veriatlantike.
