Turqia në pritje të liberalizimit të vizave

Turqia pritet te shpërblehet per marrëveshjen e firmosur me BE për marrjen e emigranteve siriane nga Greqia. Burime te Komisionit Europian konfirmuan per BBC-ne se Ankarasë do t’i ofrohet nje marrëveshje me kushte per lëvizjen e lire pa viza ne zonën Shengen ditën e mërkure. Vendi duhet te plotësoje kriteret e BE-se dhe marrëveshja te miratohet nga Parlamenti Europian dhe shtetet anëtare te unionit deri ne fund te qershorit. Përpara liberalizmit te vizave Turqisë i kërkohet te plotësoje kriteret e lirisë se fjalës, te drejtën per gjyqe te ndershme, rishikimin e legjislacionit per terrorizmin dhe me shume te drejta per mbrojtjen e minoriteteve. Brukseli druhet se pa nje marrëveshje per heqjen e vizave, Turqia nuk do ta kontrolloje emigracionin. Vala e refugjateve qe mbërrijnë ne Europe nga Turqia dhe Afrika e Veriut ka shkaktuar nje krize politike mes shteteve te BE. Ne baze te marrëveshjes BE-Turqi, emigrantet qe kane mbërritur ilegalisht ne Greqi qe prej 20 marsit pritet te kthehet mbrapsht ne Turqi, nëse nuk aplikojnë per azil, ose nëse apeli i tyre refuzohet. Per çdo sirian te kthyer ne Turqi, BE do te marre nje tjetër.