Dalja në konference përpara mediave e ministres maqedonase te punes Rashela Mizrahi pak ditë më parë ka tronditur marrëdhëniet diplomatike mes Shkupit dhe Athinës.
Ministria e Jashtme greke i ka përcjellë një note proteste Nikola Dimitrovit, jo lidhur me përmbajtjen e deklaratës, por per tabelën e vendosur pas shpinës së saj ku shkruhej Republika e Maqedonisë dhe jo Republika e Maqedonisë së Veriu. Athina e ka konsideruar kete incident shkelje te marrëveshjes se Prespës.
Shefi i diplomacisë Dimitrov I ka bere thirrje ministres Mizrahi që të vendose emërtimin e ri pasi ne te kundërt do te kerkoje shkarkimin e saj.
Nëse ajo nuk e kthen menjëherë tabelën e vjetër me emrin e ri kushtetues do t’i sugjeroja Kryeministrit Oliver Spasovski shkarkimin e saj. Ministria e punës dhe politikës sociale nuk është apartamenti i saj privat, siç nuk është edhe Kushtetuta një copë letër e zakonshme. Asaj mund të mos i pëlqejë, por nuk i jep asaj të drejtën të mos e zbatojë atë.
Ministri i Jashtem Dimitrov theksoi se zbatimi i marrëveshjes së Prespës do të bëjë së shpejti Maqedoninë e Veriut vend anëtar në NATOS.
NIKOLA DIMITROV
MINISTER I JASHTEM I MAQEDONISE SE VERIUT
Marrëveshja e Prespës duhet të respektohet në mënyrë të vazhdueshme. Kjo marrëveshje është në thelb të marrëdhënieve mes Maqedonisë së Veriut dhe Greqisë dhe që mundëson pranimin e vendit tonë në NATO si dhe përpjekjen e saj të fortë për të hapur negociatat e pranimit në BE me mbështetje të plotë dhe aktive nga Greqia.
Në lidhje me këto deklarata ka reaguar Ministrja e punës duke hedhur poshtë pretendimet e shefit të diplomacisë. Sipas saj tabela me emrin e vjetër është e trashëguar dhe nuk ka asnjë me emër të ri në këtë institucion.
Rashela Mizrahi është anëtare e partisë opozitare VMRO DPMNE-së, e cila nuk e pranon Marrëveshjen e arritur, më 17 qershor të vitit 2018, për ndërrimin e emrit nga “Maqedoni” në “Maqedonia e Veriut”.
Kjo parti opozitare tashmë është pjesë e qeverisë teknike. VMRO DPMNE-ja disa herë ka bërë të ditur se në rast se fiton në zgjedhjet e parakohshme parlamentare që do të mbahen më 12 prill do të nis menjëherë procedurat për kthimin e emrit të vjetër të shtetit dhe do të anulojë Marrëveshjen me Greqinë.