Ndërsa markata e fruta-perimeve në Durrës u mbyll këtë të hënë për t’iu nështruar rikonstruksionit, një pjesë e madhe e tregtarëve refuzuan që të fillojnë aktivitetin në zonën e përcaktuar nga autoritet bashkiake.
Kjo me argumentin se ambienti i ri nuk plotëson asnjë kusht higjeno-sanitar.
“I paguajme taksat te gjitha, tani te dalin te gjithe keta njerez ketu te dalin ne qiell te hapur pa asnje lloj kushti. Ne duam qe markata te rregullohet. Me mire te thone rrini dy muaj ne shtepi se sa te dalesh ketu pa asnje lloj kushti.
Ata kërkuan që të spostohen në një vend tjetër deri në ndërtimin e markatës së re.
I bëjmë thirrje kryebashkiakes ta zgjidhe kete problem sepse zgjedhjet vijnë shpejt. Ta shoh këtë punë ose në të kundër do ta ndëshkojmë me votë.
Punimet në tregun e Fruta-Perimeve pranë pallatit te sportit “Ramazan Njala” pritet të mbyllen pas tre muajsh. Në këtë markatë ushtronin aktivitetin rreth 300 tregtarë të licensuar, të cilët janë të detytruar që deri në përfundim të projektit të punojnë në këtë ambient të lagjes numër 18 të qyteti bregdetar.
