Një foshnjë një vjeçare ka ndërruar jetë në mënyrë të tmerrshme në Teksas të SHBA-së, kur u sulmua ashpër nga tre qen.
Sipas revistës People, djali një vjeçar u sulmua mëngjesin e së hënës, 15 prill në Duncanville nga qentë që ishin një përzierje e barinjve gjermanë dhe një race tjetër, me peshë rreth 40 kilogramë.
Foshnja ndodhej në shtëpi nën mbikëqyrjen e një dadoje dhe qentë, të cilët i përkasin gruas, ndodheshin në oborrin e shtëpisë, por arritën të futen disi brenda dhe ka ndodhur ngjarja fatale.
Në momentin e sulmit, sipas shefit të policisë së Duncanville, Matthew Stogner, në shtëpi ishin 3 fëmijë, të cilët mbijetuan, si dhe dadoja e tyre.
Stogner gjithashtu raportoi se gruaja që po kujdesej për foshnjën fatkeqe u përpoq t’i largonte qentë nga foshnja pa dobi derisa oficerët arritën dhe ajo gjithashtu pësoi disa lëndime. /vizionplus.tv
