Një vajzë 14-vjeçare ra pre e një sulmi seksual. E mitura u përdhunua nga një grup adoleshentësh, ndërsa ndërroi jetë një javë më vonë.
Ngjarja e tmerrshme ndodhi në Belgjikë, ku mediat vendase raportojnë se pesë adoleshentët e akuzuar për rastin, janë prangosur. Imazhet e abuzimit seksual janë shpërndarë në internet.
“Publikimi i imazheve i dha goditjen e fundit vajzës. E gjithë bota iu shemb në vend”, tha babai i viktimës.
14-vjeçarja kishte planifikuar një takim me një shok më 15 maj në Ghent. Por shoku i saj kishte shkuar i shoqëruar nga katër persona të tjerë, me planin për ta përdhunuar. Nga ky rast janë nxitur reagime të forta, teksa politikanët belgë e quajnë çështje tronditëse.