Dy aksidente ndodhën mëngjesin e kësaj të hëne si pasojë e ngricave në rrugë dhe mjegullës së dendur në aksin rrugor Librazhd-Përrenjas, në vendin e quajtur “Ura e Mërkurit”.
Gjashtë persona mbetën të plagosur nga përplasja kokë më kokë e dy automjeteve.
Lexo edhe :
Related Posts
Të plagosurit u dërguan në spital dhe mësohet se ndodhen jashtë rrezikut për jetën
Siç shihet edhe nga pamjet një nga makinat ka përfunduar në barrierat mbrojtëse.
Përveç rrugës me ngrica, shkak i përplasjes dyshohet se u bë edhe shpejtësia e lartë me të cilin lëviznin drejtuesit e automjeteve.
Ndërsa në Rrugën e Kombit një aksident zinxhir ku u përfshinë 6 automjete shkaktoi lëndimin e lehtë dy personave.
Aksidenti ndodhi pranë fshatit Blinisht, ku qarkullimi i mjeteve u bllokua deri në pastrimin e rrugës.
Pas përplasjes me njëra tjetrën disa nga makinat u përplasën edhe me barrierat anësore të rrugës.
Prezenca e lartë e mjegullës, si dhe manovrimi i gabuar për tentativë parakalimi dyshohet së solli aksidentin i cili mund të kishte marrë përmasa edhe më të rënda./vizionplus.tv
