Terroristët e Brukselit do godisnin Francën

Terroristët që kryen sulmet në aeroportin dhe metronë e Brukselit kishin planifikuar të kryenin sulme të reja në Francë. Në dëshminë e tij Mohamet Abrini, i cili dyshohet se është personi me kapele i cili shfaqet në aeroportin Zaventem, ka thënë se i gjithë plani i tyre ndryshoi pas arrestimit të kryeterroristit Salah Abdeslam. Terroristi që u arrestua nga policia ditën e premte tha se planet ndryshuan me një vendim të papritur pasi ato i druheshin një arrestimi nga policia.
31-vjecari me origjinë nga Maroku ka pranuar para uniformave blu se është personi me xhaketë të bardhë dhe me kapele që shfaqet në video, por policia ende nuk ka konfirmuar zyrtarisht. Ekzistojnë të dhëna që lidhin shenjat e tij të gishtërinjve si në shtëpinë e terroristëve në Bruksel ashtu edhe në makinë e përdorur gjatë sulmeve të Parisit në nëntor të vitit të kaluar. Gjatë sulmeve në metro dhe në aeroportin e Brukselit me 22 mars u shënuar 32 viktima dhe qindra të plagosur.