Pista terroriste përjashtohet nga hetimi mbi të shtënat e kryera sot nga një nxënës 17 vjeçar në një lice në juglindje të Francës, deklaroi prokurorja e Grasse, Fabienne Atzori, duke i cilësuar veprimet e si shkak i marrëdhënieve të këqija me nxënësit e tjerë.
“Asnjë element dhe anjë e dhënë nuk sjell lidhje me një veprim terrorist”, theksoi ajo gjatë një konference për shtyp duke theksuar se adoleshenti nuk kishte kryer asnjë rezistencë gjatë arrestimit.
Ai është vënë në paraburgim për tentative për vrasje, pasi plagosi lehtë tetë persona.
