Olta Boka ka zbuluar emrin e bebes së saj. Këngëtarja e famshme shqiptare u u bë nënë për herë të dytë disa ditë më parë.
Përmes një postimi në Instagram, këngëtarja zbuloi se djalin kanë vendosur ta quajnë Brel. Ajo thotë se emrin e kishte zgjedhur gjyshi i vogëlushit, vjehërri i artistes.
Brel është një emër i hershëm ilir të cilëve u kishte pëlqyer që në momentin e parë që e dëgjuan.
“Kur mora vesh që isha shtatzënë, bashkë me Ivin, vendosëm që nëse do ta kishim djalë, emrin do të ja vendoste gjyshi Shezo. Dhe kështu u bë! BREL ishte emri që zgjodhi babo Shezo dhe ne na tingëlloi që herën e parë që e dëgjuam.
Përveçse kishte prejardhje të lashtë ilire, (gjithmonë më kanë pëlqyer emrat që mbartin të shkuarën shqiptare), gjyshi uroi të ishte pasardhësi i vlerave të trashëguara nga prindërit e tij kudo të shkelte e të lerë gjurmën e tij gjatë jetës me të njëjtën madhështi edhe si Jacques Brel”, ka shkruar këngëtarja./vizionplus.tv/
