Pas akuzave të Luciano Bocit nga foltorja e kuvendit në adresë të kryeministrit Rama për mënyrën sesi po i përgjigjet protestës së opozitës, ka reaguar ashpër verbalisht ndaj tij, kreu i komisionit të ekonomisë Erjon Braçe.
Debatet mes tyre pa mikrofon shkuan deri në akuza të personalizuara nga Braçe drejt Boçit për sjelljen e deputetit të PD kur ka qënë pedagog në Elbasan.
Më pas fjalën e mori kreu i grupit parlamentar socialist Taulant Balla i cili duke ironizuar kolegun e tij demokrat Luciano Boci në lidhje me korrupsionin në universitet, e akuzoi këtë të fundit si të fshehur mes protestes së studenteve.
Më pas Balla premtoi se të gjitha kërkesat e studenteve do të plotësohen një për një.
“Por kjo nuk ka të bëjë me opozitën, sepse ju nuk keni bërë asgjë për të rinjte studente. Gjithcka do të shkojë drejt zgjidhjes përfundimtarë përmes dialogut. Duhet të sherojmë sëmundjen e hershme të Universiteteve, sidomos korrupsioni,pa lene menjanë ato që kanë kërkuar studentet, kurrikulat, kreditet, kushtet e studimit dhe akomodimit e gjithcka tjeter.Sot opozita vjen e kërkon ndryshim buxheti duke e ditur që kjo gjë është në dorën e presidentit Meta. Kjo është tallje. Jeni tallur 28 vjet dhe vini këtu e bëni 28 minuta tallje. Kjo është e turpshme!”
