Takimi i nivelit të lartë mes presidentit amerikan Donald Trump dhe atij trus Vladimir Putin në Helsinki një ditë më parë, ka shkaktuar reagime të ndryshme në SHBA në Europë.
Demokratët akuzojnë Presidentin Trump për një veprim të paprecedent, duke i dhënë mbështetje Putinit kundër agjencive amerikane që kanë dalë në përfundimin se Moska ka ndërhyrë në zgjedhjet presidenciale të vitit 2016.
“Është një veprim i pamenduar, i rrezikshëm dhe dobët që Presidenti i Shteteve të Bashkuara të mbështesë Presidentin Putin kundër autoriteteve amerikane të zbatimit të ligjit, zyrtarëve të mbrojtjes, e agjencive amerikane të zbulimit “, tha Chuck Schumer udhëheqësi i pakicës në Senat.
Edhe senatori republikan John Mcain e quajti daljen e presidentit Trump përkrah Vladimir Putinin një “gabim tragjik”. Sipas tij Trump ka bërë një “zgjedhje të vetëdijshme për të mbështetur një tiran”.
Ndërsa shefi i Kremlinit, këmbëngul se Rusia nuk ka ndërhyrë në zgjedhjet presidenciale amerikane. Në një intervistë për “Fox News” Putin e quajti tërësisht qesharake idenë për implikim në procesin elektoral .
Takimi Trump-Putin dhe optimizmi i tyre për të pasur një marrëdhënie të jashtëzakonshme, ka shkaktuar polemika edhe në Bashkimin Europian.
Ministri gjerman për Çështjet Evropiane, Michael Roth, u shpreh se “Presidenti amerikan po përpiqet të shkaktojë provokime. Ai po përpiqet të përçajë BE-në. Na quan armiq, por ne nuk jemi të një mendjeje me të-u shpreh ministri gjerman.
