Ministrja e Arsimit, Besa Shahini zhvilloi këtë të premte një takim me një përfaqësi të pedagogëve në lidhje me kërkesat e këtyre të fundit.
Takimi u zhvillua në ambientet e Ministrisë së Arsimit dhe zgjati rreth 90 minuta, ku si temë diskutimi ishin problematikat e ligjit të arsimit të lartë.
Por edhe pse 90 minuta diskutim, në fund duket se nuk u arritë një gjuhë e përbashëkt mes palëve për zgjidhjen e problemit të Ligjit të Arsimit të Lartë dhe kërkesave të paraqituara nga pedagogët.
Pedagogu Mark Marku, u shpreh para mediave se ministrja nuk dha një qëndrim konkret ndërsa ata qanë vetë hallet e tyre.
Sipas Markut ministrja Shahini nuk e ka vullnetin për t’iu përgjigjur gjendjes se ku ndodhet universiteti.
“Me pak fjalë ishte një takim? “Ne qamë hallet..” por pa marrë përgjigje konkrete. Ministrja nuk ka vullnetin për tu përgjigjur për gjëndjen adekuate në të cilën ndodhet universiteti”
Marku duke u ndalur tek afati i plotësimit të kërkesave, deklaroi se ata do të presin deri në mbrëmje dhe më pas do të mblidhen në një takim te gjitha Asambletë për të vendosur se si do të zhvillohet më tej, ku paralajmëroi se do të fillohet edhe greva.
“Do i drejtohemi trupës akademike për një grevë të përgjithshme të pedagogëve”
