Mësimi në Universitetet Publike është pezulluar këtë të enjte pasi studentet kanë bojkotuar procesin mësimor për shkak të protestes së tyre që ka hyrë në ditën e trete.
Në fakultetet e Universitetit të Tiranës dhe atij Politeknik, studentet janë grumbulluar para godinave duke mbajtur pankarta në dorë ku kërkojnë plotësimin e kërkesave te tyre nga Ministria e Arsimit.
Më tej ata sikurse një ditë më parë kanë planifikuar marshimë në këmbë për tu bashkuar të gjithë në një vend, para Ministrisë së Arsimit.
Përvec pankartave të shumta, ata nuk nguruan të qëllojnë me vezë dhe lapsa drejt godinës së këtij institucioni. Nga ana tjeter vetë Nikolla ka shprehur gatishmërinë për të negociuar me përfaqësues të studenteve në lidhje me kërkesat e tyre.
Studentet kanë katër kërkesa të cilat I konsiderojnë të panegociueshme:
- Shfuqizimi i VKM nr 288 pika numër 4 e cila citon si më poshtë:
Studenti, i cilësuar në bazë të rregullores së institucionit të arsimit të lartë publik si përsëritës në një lëndë apo në shumë lëndë dhe vijon studimet në vitin pasardhës, i nënshtrohet tarifës së shkollimit për kredit për detyrimet apo lëndët përsëritëse, si dhe tarifës vjetore të shkollimit të vitit akademik në të cilin vazhdon studimet.
- Mbështetur në nenin 99 mbi Keshillet studentore, Ligji i Arsimit të lartë pika 2 kërkojmë që Bordi i Administrimit të IAL-ve të ketë numër të barabartë votash si nga Ministria e Arsimit dhe Sportit dhe IAL-te, dhe të shtohet një përfaqësues në këtë bord nga studentët.
- Përmiresimi i kushteve të konvikteve.
- Përgjysmimi i tarifës së studimit mbështetur në nenin 99 pika 5 (Ligji I arsimit të Lartë).
