Sot 7 maj 2024 ka nisur seanca e radhës në Apelin e Juridiksionit të pergjithshëm ndaj ish-efektivit të RENEA-s Arbër Paplekaj.
Në këtë seancë ekspertët e pavarur dhe eksperti i policisë do të prezantojnë konluzionet e riekspertimit të ngjarjes ku mbeti i vrarë Pjerin Xhuvani.
Lexo edhe :
Ekspertët kanë interpretuar mekanizmin e ngjarjes përmes kamerave të sigurisë, raporton Vizion Plus. Ekspertet kanë thënë në seancë se sipas pamjeve të kamerave te sigurisë, konflikti i armatosur ka nisur nga pozicioni ku ishte viktima.
Gjithashtu ekspertët kanë thënë në seancë se reagimi i te pandehurit kur tërhiqet nga venngjarja ka ndodhur për shkak se ai ka identifikuar qitësit.
Sipas akt-ekspertimit është konkluduar se nga gezhojat që janë gjetur në vendngjarje, rezulton se Pjerin Xhuvani ka patur në krah një qitës, jo më larg se 1 me 2 metra.
Të pyetur nga gjykata, ekspertët kanë thënë se viktima Pjerin Xhuvani nuk ka rezultuar të ketë patur armë.
“Fakti që Pjerin Xhuvanit i janë gjetur faktor plotësues (gjurmë baruti) në rroba dhe jo në duar, tregon që nuk ka patur armë”, thanë ekspertët gjatë seancës sot.
Gjykata e Apelit të Juridiksionit të Përgjithshëm pranoi me 4 Mars kërkesën e Arbër Paplekaj, për kryerjen e një ekspertimi kriminalistik ne vendin e ngjarjes, për vrasjen e Pjerin Xhuvanit në Elbasan.
Arbër Paplekaj, është dënuar me 22 vite burg nga shkalla e parë për vrasjen e Pjerin Xhuvanit prill 2021 pak dite para zgjedhjeve parlamentare. Paplekaj kërkon edhe rikualifikim të veprës penale nga vrasje me dashje ne vrasje në kushtet e tronditjes së fortë psiqike.
Prokuroria sot pritet të japë informacion edhe per procedimin e pezulluar për personat e tjerë që kanë qëlluar me armë zjarri në vendin e ngjarjes gjatë përplasjes së grupeve të militanteve PD-PS, mes atyre të ashtëquajtur anëtarve të struktures së mbrojtjes së votës dhe mbështetësve socialist. /vizionplus.tv/
