Sot opozita bllokon rrugët, protesta pritet të paralizojë Tiranën

 Opozita do të zhvillojë këtë të hënë protestën e radhës.

Ndryshe nga tubimet e tjera, për herë të parë pas gati një viti, mes protestuesve në shesh pritet të jetë edhe Sali Berisha. Si pasojë e protestës, do të bllokohen disa rrugë në Tiranë.

Ato janë: rruga pranë Bashkisë, rrethrrotullimi te “Zogu i Zi”, te sheshi “Wilson”, te “Pallati me Shigjeta”, si dhe kryqëzimi te “Rruga e Elbasanit”, pranë xhamisë së “Namazgjasë”.

Protesta e fundit e opozitës ishte më 26 nëntor dhe zgjati tre orë, duke bllokuar gjashtë akse kryesore.