Një 60-vjeçar me origjinë shqiptare, i cili po kurohej për COVID në një nga spitalet e Athinës, dyshohet se ka kryer një vrasje, duke i hequr prizën e aparatit të frymëmarrjes një 76-vjeçari grek. Ky i fundit ndodhej në të njëjtën dhomë me shqiptarin.
Shkak për këtë veprim dyshohet se është bërë zhurma e aparatit të frymëmarrjes. Mediat greke shkruajnë se shqiptari ankohej prej ditësh për zhurmën e aparatit dhe kërkonte që të qëndronte në dhomë vetëm.
Ekspertët e Mjekësisë Ligjore gjetën gjurmë gishtash të shqiptarit në pajisjen e respiratorit.
Shqiptar nuk është arrestuar, pasi po trajtohet në spital, ndërsa mjekët thanë se në të kaluarën ai vuante nga problem të shëndetit mendor.
