Një koncert i veçantë nën tingujt e instrumentit të klarinetës u organizua mbrëmjen e të mërkurës në Korçë.
Fatos Qerimaj, Aleks Xhelili, Xhani Struga dhe Nexhildo Sula në një bashkëpunim si rrallë herë luajtën për publikun pjese te ndryshme duke filluar nga ato klasike e deri tek ato bashkëkohore.
FATOS QERIMI – MJESHTER I KLARINETES
Si instrumentist, secili klarinetist ka profilin e tij artistik të veçantë që i përshtatet zonës e krahinës. Sot kemi sjelle historikun e klarinetës. Fillon nga muzika klasike deri tek ajo bashkëkohore.
ALEKS XHELILI – MJESHTER I KLARINETES
Klarineta është një instrument i bekuar që hyn në çdo lloj stili muzikor. Nga muzika klasike, moderne folk. Kjo qe një projekt i mirëmenduar. E kishim si obligim dhe më në fund ja arritëm.
Për organizatorin, klarineta është kthyer në një instrument parësor edhe për të rinjtë, që tashmë po shtohen në radhët e shkollave të muzikës.
NEXHILDO SULA – MJESHTER I KLARINETES
Nuk i bëra unë, i bëri instrumenti i klarinetës. Është instrumenti parimor. Është instrument që ka falur kënaqësi në shekuj.
Koncerti “Shpirti në klarinetë” u organizua nga Bashkia e Korçës, ndërsa u ndoq nga një numër i madh artdashësish.
