Ardimir Murataj ka rrëfyer sesi evitoi një ngjarje të rëndë në Daullas të Fierit, kur një grua tentoi të mbyste ne lum dy vajzat e saj binjake.
Ai tha se kishte qënë duke peshkuar në lumin Seman kur pa një grua e cila disa metra larg tij po tentonte të mbyste dy vajza të mitura.
Admir Murataj shtoi kjo skene bëri që ai të hidhej menjehere në lume dhe ti afrohej 42 vjecares që po tentonte të mbyste dy vajzat e saj që ishin binjake.
“ Në momentin që po I merja vajzat nga duart, I thash pse e bën një gjë të tillë. Gruaja mu drejtua se ishin vajzat e saj dhe mund të bënte ctë donte me to, u shpreh mes të tjerash Ardimir Murataj.
Pavarësisht se ka shmangur një krim të pashoq, Admir Murataj thotë se nuk e ndjen veten hero pasi një gjë të tillë do ta kishte bërë kushdo.
Rudina Kishta 42 vjece u la në burg nga gjykata e Fierit pasi dogji shtëpinë e bashkëjetuesit të saj Adrian Gjini në Grecalli të Fierit dhe tentoi të mbysë dy vajzat e saj të vogla.
Të miturat janë marrë në mbrojtje dhe janë transferuar në një institucion kujdesi në kryeqytet.
