Një shpërthim gazi ndodhi këtë të hënë në një stacion pompimi të naftës në Ballsh.
Ngjarja u regjistrua rreth orës 07:30 minuta te mëngjesit në vendin e quajtur “Qafa e Kashit”, ndërsa u plagos një punonjës i kompanisë private që administron këtë depo dekantimi të naftës.
Shkak për shpërthimin dyshohet se u bë një rrjedhje gazi në linjën e kaldajës gjatë procesit të punës.
Shpërthimi u shoqërua me flakë. Për pasojë pësoi djegie sipërfaqësore punonjësi Viktor Balla, 50 vjeç. Ai u transportua me urgjencë drejt spitalit të fierit, ku ndodhet jashtë rrezikut për jetën.
Zjarri u neutralizua pas rreth një ore nga forcat zjarrfikëse ndërsa u shkaktuan dëme të shumta materiale.
