Takimi i kësaj të premteje mes ministrave të jashtëm të Maqedonisë dhe Greqisë, nuk prodhoi një zgjidhje konkrete për çështjen e emrit.“Maqedonia nuk e pranon variantin “Gorna Makedonija”. Kështu u shpreh gjatë konferencës për shtyp, ministri i jashtëm Maqedonisë, Nikolla Dimitrov.
“Mendoj se në referencën e tashme të përkohshme FYROM, ekziston emri Republika e Maqedonisë. Ky emër është i përthyeshëm në gjashtë gjuhët e OKB-së. Mendoj se këtu e kam rëndë t’i them popullit tim se nuk kemi atë emër, edhe pse kjo na dallon kur thuhet Maqedoni në Greqi dhe Maqedoni në vendin tonë. Një emër i ngjitur siç përmendi propozimi “Gorna Makedonija”, kur shqiptohet, fjala Maqedoni humbet. Detyra nuk është e lehtë, ky praktikisht është takimi i dytë i vërtetë ku biseduam për elemente bazë.”
Megjithatë, të dy shefat e diplomacive shprehen gatishmërinë për një zgjidhje të pranueshme nga të dyja palët. Ministri i jashtëm grek Nikos Kotzias theksoi se po bëhen hapa para për të zgjidhur problemet e trashëguara.
“Jam i lumtur të ndodhem përsëri në fqinjin tonë verior. Sot bëmë hapa t’i zgjedhim problemet që nuk i krijuam ne, por i gjetëm. Ne duam të ndërtojmë bashkëpunim, stabilitet dhe siguri mes territoreve e cila do të ndihmojë të gjithë rajonin.”
Kotzias këmbëngul se Greqia kërkon ndryshime kushtetuese. Ministri i jashtëm i Greqisë ndërkohë pritet të takohet edhe me kryeministrin Zoran Zaev, zëvendës kryeministrin Bujar Osmani, kryeparlamentarin Talat Xhaferi, kryetarin e VMRO-DPMNE, Hristijan Mickoski dhe atë te BDI-së, Ali Ahmeti.
Vizita e kryediplomatit është pritur me protesta. Dhjetëra qytetarë u mblodhën mbrëmjen mëngjesin e se premtes para Ministrisë së Punëve të Jashtme, duke bërë thirrje per mos ndryshimin e emrit.
