KPK ka shkarkuar nga detyra gjyqtarin e Gjykatës së Shkallës së Parë të Krimeve të Rënda, Luan Hasnezirin.
Gjatë seancës dëgjimore KPK, konstatoi dyshime mbi blerjen e një apartamenti ndërsa rezultoi gjithashtu se gjyqtarit I ishte refuzuar viza amerikane në vitin 2014. Detaj ky që nuk ishte deklaruar nga ana e Hasnezirit.
Gjyqtari Hasneziri shfaqi pakënaqësi ndaj trupës së KPK, duke e cilësuar si të njëanshme. Ai kërkoi gjithashtu përjashtimin e trupës gjykuese me argumentin se kishte mbyllur hetimet vetëm mbi bazën e dy kritereve.
Kërkesë kjo që u refuzua nga KPK.
