Ditën e premte vendi do të ndikohet nga kushte atmosferike të paqëndrueshme, me vranësira të dendura që pritet të pakësohen gradualisht pas mesditës.
Reshjet e shiut do të nisin që në orët e para të ditës dhe do të përfshijnë pjesën më të madhe të territorit. Ato do të jenë kryesisht me intensitet të ulët, por herë pas here do të shoqërohen me shtrëngata, shkarkesa elektrike dhe lokalisht me breshër.
Gjatë orëve të ditës, reshjet do të bëhen më të herëpashershme dhe me intensitet të ulët, duke u përqendruar kryesisht në zonat malore dhe në juglindje të vendit.
Temperaturat maksimale do të arrijnë deri në 29 gradë Celsius në zonat e ulëta dhe bregdetare, duke shënuar një rënie prej rreth 3 gradësh krahasuar me një ditë më parë.
Era do të fryjë nga kuadrati i veriut me shpejtësi mesatare rreth 7 m/s, ndërsa përgjatë vijës bregdetare dhe në zonat luginore do të ketë forcime të herëpashershme deri në 15 m/s.
Në detet Adriatik dhe Jon valëzimi parashikohet të jetë i forcës 2 deri në 4 ballë.
/vizionplus.tv
