“Sheshet nuk do të na zënë”, Berisha kërcënon Ramën me protesta

Ish-kryeministri Sali Berisha, gjatë “Foltores” në Librazhd, njoftoi se vendi do të përfshihet nga protesta masive, me qëllim largimin e Edi Ramës nga pushteti.

Ndërsa e cilësoi “Foltoren”, ortek të pandalshëm, ish-lideri historik i të djathtës paralajmëroi se sheshet nuk do t’i zënë më qytetarët që do të ngrihen në revoltë kundër qeverisë.

“Sa do të jemi nesër në shesh? Sheshet nuk do të na zënë më. Revolucioni ynë nuk ka të ndalur. Ne do të fitojmë”, u shpreh Berisha.