Për herë të parë opozita parlamentare ka bojkotuar diskutimin për kodin zgjedhor duke detyruar mazhorancën të bëjë një hap pas.
RUDINA HAJDARI
“Ne duhet që ta bojkotojmë këtë mbledhje”
Ajo që ra në sy ishte pozicioni i Rudina Hajdarit, e cila mbrojti partinë demokratike e aleatët e saj, duke këmbëngulur që parlamenti të ndërpresë diskutimet derisa të arrihet një konsensus në këshillin politik. Ndërsa argument i Ps ishte që komisioni i ligjeve duhet të diskutojë e miratojë një draft i cili më pas i çohet këshillit.
RUDINA HAJDARI
DEPUTETE
“ Ne duhet ta ndalojmë këtë mbledhje dhe të biem në Këshillin Politik dhe më pas të vijmë këtu dhe të përfshijmë pikat e opozitës jashtëparlamentare. Po bëni një gabim shumë të rëndë, nëse keni dëshirë ta bëni me frymë bashkëpunimi dhe konsensusi siç e do praktika ndërkombëtare, atëherë ju duhet të tregoni.”
DAMIAN GJIKNURI
DEPUTET I PS
“Zonja Hajdari për herë të parë ka ndryshuar mendim për Këshillin Politik. Opozita jashtëparlamentare ka ngritur vetëm një çështje, çështjen e koalicioneve. Hajde diskutojmë për listat, debati për koalicionet e ezauruar. Për çështjet e listave të hapura nuk kanë shprehur akoma, të gjithë argumentet përqendrohen te koalicionet. Ky proces do vazhdojë këtë por nuk e ndërpret as diskutimin në Këshillin Politik.”
Pas bojkotit të deputetëve të opozitës parlamentare mazhoranca vendosi ta shtyjë mbledhjen dhe diskutimin e kodit zgjedhor nen për nen.
ULSI MANJA
KRYETAR I KOMISIONIT TE LIGJEVE
“Ne ta ndërpresim mbledhjen e komisionit të ligjeve për t’iu dhënë më shumë kohë propozuesve të dakordësohen mes vetes, por jo për arsyen që të presim mbledhjen e këshillit politik”
Moment që ka bashkuar për herë të parë deputetët që nuk dorëzuan apo pranuan mandatet me Pd e Lsi, është propozimi i për hapjen e plotë të listave të kandidatëve për deputet.
MYSLIM MURRIZI
KRYETAR I GRUPIT PARLAMENTAR “DEMOKRAT”
“Edhe drafti i bashkimit sovjetik nëse është për të hapur listat jam dakord që të merret dhe të diskutohet, jo me i partisë demokratike.”
Nesër debati për reformën zgjedhore do të transferohet në mbledhjen e këshillit politik ku debati pritet të jetë i fortë për hapjen e listave por veçanërisht për modelin e koalicioneve
