Situata në Rripin e Gazës paraqitet shumë e rëndë dhe jashtëzakonisht shqetësuese sa i takon kequshqyerjes.
Këtë gjë e deklaroi Rik Peeperkorn, përfaqësuesi i Palestinës në OKB.
Sipas tij, 13 nga 36 spitalet në Gaza ofrojnë shërbim të pjesshëm, ndaj e sheh të arsyeshme që 8 mijë persona të evakuohen për ndihmë mjekësore.
“8 mijë njerëz në Gaza kanë nevojë për evakuim mjekësor, 6 mijë prej të cilëve janë plagosur në luftë dhe 2 mijë prej të cilëve kanë kushte të tjera mjekësore”, tha Peeperkorn.
Ai tërhoqi vëmendjen për krizën ushqimore në Gaza.
“Jemi jashtëzakonisht të shqetësuar për kequshqyerjen në Gaza. Pasiguria akute ushqimore në Gaza është në nivel të paprecedentë në historinë e fundit. Askush nuk është i sigurt për shkak të urisë ekstreme në Gaza. Më shumë se gjysmë milioni njerëz në Gaza përballen me kushte ‘katastrofike’ të urisë, sipas Klasifikimit të Fazës së Sigurisë Ushqimore të Integruar (IPC), analiza më e besueshme e sigurisë ushqimore. IPC paralajmëroi për mungesa nëse kushtet aktuale vazhdojnë”, tha Peeperkorn.
Ai theksoi se rreziku i sëmundjeve është rritur edhe më shumë në Rripin e Gazës, i cili është zvarritur në mungesë ushqimi dhe përsëriti thirrjen e OKB-së për heqjen e kufizimeve për ndihmë për Gazën dhe pengesat për shpërndarjen e ndihmës./vizionplus.tv
