Dy kandidatët, republikani Donald Trump dhe rivalja e tij demokratja Hillari Klinton përballen në Seint Ljuis, të shtetit Misuri, në debatin e tyre të dytë për zgjedhjet presidenciale që do të zhvillohen në nëntor të këtij viti. Në një analizë të tijen, Zëri i Amerikës shkruan se përballja pritet të jetë i vështirë për miliarderin për shkak të komenteve të tij denigruese për gratë, të regjistruara gjatë një bisede njëmbëdhjetë vite më parë. Nga ana e saj, Clinton do të duhet të komentojë materialet e Wikileaks, ku tregohet se ajo shpesh mban një pozicion të dyfishtë, ndryshe në skenën publike, dhe një qëndrim krejt tjetër në biseda private, për çështje të rëndësishme tregtare dhe ekonomike. Por në prag të këtij debati 28 senator, zyrtarë e figura të tjera të larta të republikanëve kanë dalë publikisht kundër kandidatit të partisë së tyre, Donald Trump. Në radhët e personaliteteve që kundërshtojnë miliarderin janë senatori Mekein, ish sekretarja amerikane e shtetit Kondolesa Rise e ish kandidati për president Mit Romney. Këta të fundit kanë dënuar qëndrimet e Trump në raport me femrat, por dhe qasjet e tij për politikën e jashtme dhe deklaratave për emigrantët. Ndërkohe sondazhet e zhvilluara së fundi nxjerrin sërish fituese kandidaten demokrate me 45% të mbështetjes popullore kundrejt 44% të siguruar nga multimiliarderi.
.
