Numri i pacientëve të infektuar me koronavirus në Maqedoninë e Veriut i ka kaluar 1 mijë ndërsa 46 persona kanë humbur jetën. Presidenti Stevo Pendarovksi mblodhi këshillin e sigurisë këtë të enjte dhe bëri të ditur vendimin për zgjatjen me një muaj të gjendjes së jashtëzakonshme.
STEVO PENDAROVSKI
PRESIDENT I MAQEDONISE SE VERIUT
“ Nga qeveria dje më është dorëzuar propozimi për vazhdimin e gjendjes së jashtëzakonshme. Sot eshte marre vendimi me kompetencat e mia kushtetuese dhe ajo do të vazhdojë edhe në 30 ditët në vazhdim. Është e qartë se jo vetëm ne, por e gjithë bota do të duhet të mësohemi të jetojmë me virusin për një kohë të gjatë, dhe të përshtatemi me të gjitha kufizimet e nevojshme si dhe masat parandaluese.“
Kryeministri në detyrë, Oliver Spasovski, minisistri i shendetesise Venko Filipce dhe zëvendëskryeministri për çështje evropiane, Bujar Osmani janë vetëizoluar pas konfirmimit se kreu i Komunës së Kumanovës ka rezultuar pozitiv me Kovid-19. Të tre poltiikanët kishin patur kontakt të afërt me të pak ditë më parë.
