Partia Socialiste nuk ka asnjë arsye për tu shkëputur nga një partner strategjik, koalicioni me të cilin ka funksionuar plotësisht. Ky ka qenë komenti i kryeministrit Edi Rama i pyetur për një vlerësim nga 1-10 për shanset që ka ky kolacion për të vijuar.
Rama tha se ky ka qene një koalicion për të bërë shtet dhe ia ka dalë plotësisht.
“Ju keni bërë interpretimin tuaj. Unë kam ngritur duart dhe ju keni numëruar gishtat që secili ka dëshirë te numërojë. Unë jam i bindur se ky nuk është një koalicion i imi me Ilir Metën, as një koalicion i një grupi me një tjetër, por një koalicion strategjik për të bërë reformat që e bëjnë Shqipërinë shtet dhe si i tillë ka qenë i suksesshëm. Unë nuk shoh arsye pse nuk duhet të vijojë. Përsa i takon PS-së ne jemi forca që udhëheq koalicionin dhe s’kemi parë kurrë mbrapa për të shkëputur ndonjë pjesë të koalicionit dhe aq më tepër pastaj për tu shkëputur nga një partner strategjik si LSI me të cilën kemi bërë gjëra që s’janë bërë në 20 e kusur vite në aspektin e reformave.” – tha kryeministri Rama
