Seanca e ditës së enjte do të finalizohet me një rezolutë për shkarkimin e Presidentit Ilir Meta.
Në mbledhjen e Kryeisë së PS, kryeministri Rama teksa e ka cilësuar si të pritshëm vendiminin e Metës, ka deklaruar para sociaslitëve se Shqipëria është një Republikë Parlamentare dhe jo Presidenciale.
Nga burime pranë PS, mësohet gjithashtu se kreu i qeverisë u ka bërë me dije të gjithë anëtarëve që seanca e të enjtes të përfshihet nga një debat i gjatë dhe të gjithë të shpalosin argumenta kundër vendimit të presidentit.
Rama theksoi gjithashtu se zgjedhjet do të zhvillohen në 30 qershor dhe se të gjithë duhet të vijojnë me fushatën.
“Vendimi i presidentit ishte i pritshem! Ne jemi republike parlamentare, jo presidenciale. Ndaj asgje s’na ndal te vijojme perpara me 30 qershorin. Te enjten debat shume i gjate parlamentar. Te shpalosim te gjitha argumentat kunder ketij vendimi te Presidentit. E enjtja do te finalizohet me rezolute per shkarkimin e presidentit. Duhet te fokusohemi n 30 qershor. Jemi ne mes te lojes. Pas debatit ceshtja diskutohet ne KQZ e me pas do kaloje ne kolegj. Fokusi jone 30 qershori.”
