Kryeministri Edi Rama pasditen e kësaj të enjte ka zhvilluar takimin e radhës elektoral në Vorë, ku nuk ka lënë pa përmedur sërish qëndrimin e fundit të Ilir Metës.
Shefi i qeverisë duke iu referuar ftesës së Presidentin, ka ironizuar kreun e shtetit duke thënë se do ta priste në zyrë duke filluar nga ora 05:00, Rama ka ironizuar Metën, ndërsa tha se nuk është zgjuar herët, por se nuk ka fjetur fare.
“Ne kemi lidhje drejt për drejtë me Zotin thotë fallxhorja, në telefon me Zotin gjithë ditën. Fallxhorja vë filxhanin në vesh dhe dëgjon Zotin që i thotë: “Monika shpëtoje Shqipërinë nga blerja e votës”. Këtu në Vorë e di shpirti i Fiqos se çafër ka heq, nga aleatja me kryetarin, kryetarin… Lulin. Dhe ngre kokën lart, o Zot dhe i thotë Monikës “çfarë bëhet kështu Monika, ikën votat i blenë na i morën”. Çështë kjo, prandaj në 30 qershor të gjithë duhet t’i grumbullojnë, një nga një, të gjitha, dhe të shkojmë t’ia zhysin votën si me i pas aty në kuti. Mos kujtoni së është zgjuar Iliri në katër, nuk ka fjet fare. I ka ik dhe doktori dhe atje te zyra duke ngrënë kokrra kafja deri sa të vijë ajo t’i bluj kafen”.
Rama është shprehur i vendosur për të zhvilluar zgjedhje këtë të diel, ku ka theksuar se ka ardhur koha që e keqja të dalë, të shkelet, të refuzohet e të kalbëzohet.
“Në gjithë këtë histori dramatike, që të katandisemi në zgjedhje ku ka vetëm një kandidat në shumë zona, është trishtim. Është një dhimbje që duhet kaluar me vetëdijen që e keqja ka ardhur koha me dalë, ka ardhur koha të shkulet, të refuzohet e të kalbëzohet. Kjo është arsyeja themelore pse më 30 qershor vota ka rëndësi shumë të madhe. Ka ardhur koha t’u japim një goditje kundërshtarëve të Shqipërisë. Është për të ardhur keq, por është fakt, është ngjallur Haxhi Qamili, ai tironsi i gabuar. Ai kishte një vulë e mbante me vete, shkruante greqisht kompani kafje eksport-import, por ai nuk e dinte fare çfarë shkruante e mbante vetëm për dekrete. Ky baba Xhikja, se s’duhet me i thënë më Likja, ky vulën e di çfarë shkruan, ndryshe nga Haxhiu, nuk di çfarë bën me dekretet. Ky di vulën, por nuk di dekretet”.
