Rama: Doktoresha e shkencës së filxhanëve më tregon sa muaj jetë kam

Kryeministri Edi Rama i është përgjigjur kryetarit të Partisë demokratike, për sulmin e tij ndaj ministreve të reja, pasi sipas tij, nuk ka asnjë mundësi të hedhë baltë mbi to.

“Po e nis nga shprehja brutale dhe e neveritshme e Kryetarit të PD në këtë foltore, që iu drejtua zonjave në podiumin e qeverisë duke thënë me fjalë të pamenduara atë që është problemi i tij dhe i këtyre. Nuk kanë, të paktën për disa kohë, asnjë mundësi të hedhin baltë. Zero. Sepse kush është bashkuar me ne, në qeveri, duke ardhur nga të tjera drejtime, ka një karrierë profesionale dhe ka një integritet të padiskutueshëm dhe mishëron atë që jemi ne dhe atë që e ka bërë PS thelbësisht të ndryshme nga partitë e tjera”.

Shefi i qeverisë është shprehur se protesta e studentëve tregoi qartë se opozita nuk konsiderohet si një alternativë politike. Sipas tij protesta e studentëve e detyroi qeverinë të dëgjojë dhe të reflektojë, duke shtuar se ndërprerja e projektit të ndërtimit Kashar-Thumanë do të reflektojë në përmirësimin e infrastrukturës në universitete.

Gjithashtu Rama i është kunderpërgjigjur akuzave të kryetares së LSI-së, Monika Kryemadhi, duke e cilësuar atë si një doktoreshë shkencash me tituj, që e vetmja shkencë që njeh është shkenca e filxhanëve.

“Është një volum parash i konsiderueshëm që ne kemi vendosur ta kalojmë për universitetin. Kjo nuk do të thotë se paratë janë në buxhet sot. Këta janë edhe doktor shkencash me tituj, parafolësja që nuk i përmend dot emrin, që e vetmja shkencë që njeh është shkenca e filxhanëve për t’u thënë shqiptarëve që kam edhe pak muaj jetë. Unë nuk e di sa muaj jetë kam, por një gjë është e sigurt që këta nuk vijnë këtu duke qenë Partia Socialiste. Kazan, jo lajmin që Edi Rama thotë se kam edhe pak muaj jetë.”