Moti gjatë ditës parashikohet kryesisht i kthjellët, me vranësira të pakta deri mesatare kalimtare në zonat malore të lindjes, duke filluar nga orët e mesditës.
Në orët e vona të mbrëmjes pritet shtim i vranësirave, fillimisht në veri dhe më pas gradualisht në të gjithë territorin, herë pas here deri të dendura.
Nga mesdita deri në pasditen e vonë do të ketë reshje shiu të herëpashershme me intensitet të ulët në zonat malore lindore. Pasdite, reshjet do të përfshijnë pjesën më të madhe të vendit, duke nisur nga veriu dhe duke u shtrirë më pas në rajonet e tjera. Lokalisht dhe për periudha të shkurtra, reshjet mund të marrin formën e shtrëngatave të shoqëruara me shkarkesa elektrike dhe, në raste të izoluara, me breshër.
Temperaturat maksimale do të arrijnë deri në 34°C në Elbasan dhe Berat, 33°C në Lezhë dhe Shkodër, ndërsa 32°C në Tiranë dhe zonat bregdetare.
Era do të fryjë nga kuadrati i perëndimit me shpejtësi mesatare rreth 7 m/s, ndërsa përgjatë vijës bregdetare dhe në zonat luginore herë pas here do të arrijë deri në 14 m/s.
Në detet Adriatik dhe Jon, valëzimi do të jetë i forcës 1-3 ballë.
/vizionplus.tv
