Kryeministri Edi Rama ka bere te ditur se pavarësisht nëse opozita hyn apo jo në zgjedhje qeveria do të vijojë punën per te çuar perpara vendin.
Nga Librazhdi, ku mori pjesë në turin “Bashkia që duam”, kreu I qeverisë duke u ndalur tek situata politike në vend deklaroi se Basha dhe Kryemadhi kërkojnë pushtet qyl ndërsa nuk e kurseu ironinë dhe sarkazmën në drejtim të ketyre te fundit.
“Sot kemi më shumë mundësi, nga ç’kishim vitin e kaluar. Si ta lëmë këtë punë në mes, se kemi hallin e Lulit dhe Monikës. Ata duan tepsinë, tepsi nuk ka. Po luftojmë çdo ditë që tepsinë ta çojmë për Skrap. Ta lejmë këtë përgjysmë dhe t’i japim bursë Lulit dhe Monës. Mona nuk ka nevojë për bursë se sheh filxhan, sheh yjet, shef te sytë e tjetrit. Unë se kuptoj për çfarë i duhet pushteti Monës. E provuam njëher ia dhamë ça kërkojë dhe nuk e mbajti fjalën. S’ka sesi ta mbajë fjalën ai. Se është mësuar të marrë gjëra qyl. Gjëra qyl ka vetëm qofte, te gjyshi Sali. Jo, kjo nuk ka për të ndodh, hyjnë ata apo jo në zgjedhje ne do vazhdojmë drejt. Nëse ata nuk janë zgjedhje, do t’i marrim përsipër të gjitha Bashkitë dhe do qeverisim më mirë. Atyre jo vetëm nuk ia keni parë harjin, por vetëm sherr. Ata duan vetëm bojë dhe sherr dhe bojën e duan të zezë”
Kreu I qeverisë paralajmëroi gjithashtu ndërhyrje në Kodin Penal me qëllim ashpërsimin e ligjit për një sërë veprash penale.
“Kuvendi do miratojë ligje për të ndëshkuar ata që organizojnë lojëra bixhozi, ata që ndezin zjarre, ata që bllokojnë rrugë, ata që godasin përfaqësuesit e popullit. Ky parlament sot është shumë më normal dhe i pa shqetësueshëm sepse nuk vijnë deputetët me vezë dhe bojë. Pse çfarë është opozita, kotec fermë pulash. Erdhi kryetari në kuvend me pallto, unë thashë është sëmurë, ai ishte me vezë. Ata u kujtuan vonë që të ikin, në rrugë të rrinë.”
