Policia e Dibrës ka arrestuar 7 persona dhe 1 tjetër është proceduar penalisht, pasi dyshohet se janë autorë të një sërë vjedhjesh.
Në bashkëpunim me njëri-tjetrin, ata kanë qëlluar me armë zjarri në ajër dhe më pas e kanë fshehur armën në pyll.
Në kuadër të operacionit “Soponika”, në pranga përfunduan:
K.C., 23 vjeç, banues në Arras;
S.Xh., 18 vjeç, banues në Arras;
A.Gj., 21 vjeç, banues në Kastriot;
Xh. B., 28 vjeç, banues në Laçes;
D.B., 21 vjeç, banues në Laçes;
G.D., 24 vjeç, banues në Kastriot;
T.Xh., 42 vjeç, banues në Fushë Çidhen;
Po ashtu, u procedua penalisht në gjendje të lirë shtetasi S. B., 29 vjeç, banues në Fushë Çidhen.
Në cilësinë e provës materiale janë sekuestruar 1 kallashnikov, 4 armë gjahu çifte, si dhe 6 motorsharra të vjedhura. Kallashnikovi me të cilin qëlluan në ajër u gjend i fshehur në pyll.
